بيتـــــــزا سريــعـــة بعجينة ســائلة

بسم الله الرحمان الررحيم
السلام عليكم و رحمة الله و بركاته

بيتزا من نوع جديد سهلة و رائعة سريعة في التحضير و مناسبة لكل وحدة كتفشل معاها عجينة البيتزا ..(طبعا كاين فرق بينها و بين العجين الأصلي للبيتزا تختلف عليها و لكن لذيذة) مع المقادير الي غادة نعطيكم غادة توجد معاكم في 5 دقائق وداعا للعجن و وداعا لتامرة

 كنشكر عزيزتي فدوى صديقتي على الفيس بوك من عندها أخدت مقادير الأساسية و تصرفت في الحشوة كيف ما بغيت الي يحب يشوف المدونة ديالها المتميزة بأطباق رائعة يدخل هنــــا (اضغطي على كلمة هنا ) 

مقاديــــــر العجينة

 كأس و نصف دقيق
كأس و ربع ماء
3 معالق كبيرة حليب بودرة (اختياري)
نصف كأس زيت خليط بين زيت الزيتون و زيت نباتي
1 كيس خمارة (بيكن باودر 8غرام)
نصف ملعقة صغيرة خميرة الخبز
 بيضة
 ملعقة صغيرة سكر (سنيدة) 
 ملح 

 مقاديـــــر الحــشــوة

 صلصة بيتزا
 قليل من كفته
 فلفل ألوان 
بصلة صغيرة
 زيتون أسود 
ملح فلفل أسود(ابزار) 
زيت 


الطريقــــــــــــــــــــــــــــــــــة

أوﻻ نحضر الحشوة في مقﻻة نعمل زيت و نشحر البصل مقطع بشكل طولي أو مربعات الي تفضلي مع ملح حتى يذبل قليﻻ تم نضيف الكفته و فلفل أسود و نخليها طيب (أنا كنجيب كفته بالتوابل فتوابل الي فيها كافيين و بنينة بدون أي إضافات) نزيل الكفته و بصل و في نفس المقﻻة نحضر صلصة البيتزا ملعقة كبيرة محجون طماطم (حك مطيشة) مذوبة في نصف كاس ماء ملح فلفل أسود(ابزار) و ورق سيدنا موسى و نخليها على نار متوسطة مدة 5 دقائق حتى تختر شوية وتاخد نكهة الكفتة المتبقة في مقلاة
***
 لتحضير العجينة نعمل كل مقادير في خلاط كهربائي و نضربها على تتجانس .نحصل على خليط سائل نصب الخليط قي قالب زجاجي من الأفضل و نعمل صلصة بيتزا ثم بصل و كفته فلفل مقطع و زيتون تم جبن تدخل للفرن متوسط الحرارة حتى تستوي و تتحمر